Սպոնդիլոլիստեզ

Սպոնդիլոլիստեզ

Առաջացման պատճառները

• Նախատրամադրող գործոններն են․

  1. Սպոնդիլոլիզ — դիտարկվում է դեպքերի 67%-ում, հիմնականում ծանր ֆիզիկական աշխատանքով զբաղվող տղամարդկանց մոտ։ Ամենից հաճախ առաջանում է գոտկային շրջանում, ավելի քիչ՝ պարանոցային շրջանում;

  2. Պոչուկի հորիզոնական դիրքը;

  3. Ողնաշարի վնասվածք;

  4. Հոդային ելուստների թերզարգացում;

  5. Դեգեներատիվ-դիստրոֆիկ փոփոխություններ ֆասետային հոդերում;

  6. Հոդերի դեգենարցիա։

Դասակարգում

Սպոնդիլոլիստեզը տարբերակվում է․

• ստաբիլ՝ դիրքի փոփոխման ժամանակ տեղի չի ունենում տեղաշարժված և ստորև տեղակայված ողերի միջև հարաբերակցության փոփոխություն

• ոչ ստաբիլ՝ դիրքի փոփոխման ժամանակ տեղի է ունենում հարաբերակցության փոփոխություն սայթաքած ողի և ստորև տեղակայված ողի միջև։

Սպոնդիլոլիստեզը դասակարգվում է․

• Դիսպլաստիկ սպոնդիլոլիստեզն առաջանում է սրբանային վերին հատվածի կամ LV ողնաշարային կամարի թիթեղի զարգացման բնածին արատների հետևանքով։

• Սպոնդիլոլիզային սպոնդիլոլիստեզն առաջանում է կամարի միջհոդային թերության հետևանքով։

• Դեգեներատիվ սպոնդիլոլիստեզ։ Կախված է միջողնաշարային գոտու անկայունությունից։ Տվյալ պաթոլոգիայի դեպքում կամարի միջհոդային մասում թերություն չի դիտվում։

• Վնասվածքային սպոնդիլոլիստեզ՝ հոդային ելուստների կամ կամարի միջհոդային մասի կոտրվածքն է։

• Պաթոլոգիական սպոնդիլոլիստեզը առաջանում է ընդհանուր հիվանդությունների ընթացքում, որոնք դրսևորվում են նաև հենաշարժական համակարգի պաթոլոգիայում (Ալբերս-Շենբերգի, Փեջեթի հիվանդություն, արթրոգրիպոզ և այլն)։ Հեղինակների կողմից այս խմբում ներառվում են նաև սպոնդիլոլիզը և սպոնդիլոլիստեզը, որոնք առաջանում են ողնաշարի ֆիքսացիայի մակարդակից բարձր:

Դրսևորման և տեղակայման հաճախականությունը

Սպոնդիլոլիստեզը հանդիպում է մարդկանց 7-10%-ի մոտ՝ երեխաների, դեռահասների ր մեծահասակների մոտ։ Տարիքի հետ հիվանդությունների հաճախականությունը մեծանում է։