Գլխապտույտ

Բուժումը՝ սրտխառնոցով կանոնավոր գլխապտույտների ժամանակ

Գլխապտույտ — տարածության և առարկաների շարժունակության և պտույտի սուբյեկտիվ զգացողություններ, անվստահություն քայլելիս և տարածության մեջ կոորդինացիայի կարճաժամկետ խանգարում: Գլխապտույտը չի հանդիսանում առանձին հիվանդություն։ Դա ախտանիշ է, որը կարող է առաջանալ օրգանիզմի բազմաթիվ հնարավոր տեսակի շեղումների արդյունքում: 20% դեպքերում գլխապտույտը կունենա ոչ թե մեկ, այլ մի շարք պատճառներ։

Ինչու է պտտվում գլուխը

Գոյություն ունեն շատ պատճառներ, որոնք առաջացնում են տհաճ զգացողություններ, դրա համար էլ ախտանիշները կբուժեն ևս տարբեր բժիշկներ։

Շեղումները առաջացնում են խանգարումներ

• ներքին ականջի

• գլխուղեղի

• ներքին ականջի և ուղեղի միջև նեյրոնային կապերի

• սիրտ-անոթային համակարգի

աշխատանքում․

Գլխապտույտի պատճառ կարող են դառնալ որոշ դեղամիջոցներ, որրոնք առաջացնում են վեստիբուլյար համակարգի խանգարումներ։

Համակարգային գլխապտույտները (վերտիգո) կապված են ՔԿԱ-օրգանների հիվանդությունների հետ։
Որպես կանոն, նոպայի տևողությունը այդ դեպքում կազմում է 6 ժամից ոչ ավել։

Ոչ համակարգային գլխապտույտները ավելի երկարատև են։
Դրանց են դասվում հարբած վիճակը, սրտխառնոցը, մշուշոտ տեսողությունը, գիտակցության կարճատև մթագնումները և այլն։

Եվս մեկ պատճառ է հանդիսանում գլխուղեղի արյան լիարժեք մատակարարման խանգարումը։

Գլուխը կարող է պտտվել պարանոցի օստեխոնդրոզի կամ ճողվածքի դեպքում, քանի որ պարանոցի հատվածում մկանային սպազմի արդյունքում խանգարվում է գլխուղեղի սնուցումը։

Գլխապտույտ է առաջացնում նաև ինսուլտից, տրոմբոզից, իշեմիայից հետո արյան շրջանառության սուր խանգարումը։

Գլխապտույտները կարող են ուղեկցվել սրտխառնոցով և նույնիսկ փսխումով, դրանց առաջացման պատճառ կարող են լինել ինչպես գլխի վնասվածքները, այնպես էլ այլ ոչ տրավմատիկ վիճակները, օրինակ՝ խնդիրները սրտանոթային համակարգում:

Գլխապտույտի կանոնավոր նոպաները ոտքի կանգնելիս զգալիորեն վատթարացնում են կյանքի որակը, կարող են հանգեցնել անկման հետևանքով վնասվածքի: Վիճակը բնութագրվում է հավասարակշռության կորստով, մարմնի մի կողմ թեքվածությամբ, գլխում լարվածության և ճնշման զգացումով, անկայուն քայլվածքով և վստահության կորստով, անպատճառ վայր ընկնելով։ Ախտանիշները կարող են ավելի ցայտուն դառնալ մարմնի դիրքը փոխելիս կամ գլուխը պտտելիս:

Պաթոլոգիկ գլխապտույտն առաջանում է նաև․

• միգրենի

• ուղեղի ինֆեկցիայի

• էպիլեպսիայի

• ցրված սկլերոզի

• ինսուլտի

• հիպերտոնիկ հիվանդության

• տրոմբոզի

դեպքում։

Գոյություն ունեն «մարմնի և շուրջը գտնվող առարկաների անկայունության» նաև ֆիզիոլոգիական պատճառներ։ Օրինակ, հիպերվենտիլացիա՝ խուճապային գրոհի ժամանակ արագ շնչառության ժամանակ կամ սննդակարգի ընթացքում երկաթի ցածր մակարդակ:

Յուրաքանչյուր դեպք անհրաժեշտ է դիտարկել անհատապես և փնտրել խնդրի արմատը, որն առաջ է բերում տհաճ ախտանիշը։

Ինչ անել գլխապտույտների դեպքում․ մեր բժիշկները կօգնեն ձեզ

Նոպաները, որոնք «տանում են» գետինը մարդու ոտքերի տակից, զգալիորեն իջեցնում են աշխատունակությունը և կյանքի որակը։ Դրա համար կարևորը՝ անցկացնել որակյալ ախտորոշում և որոշել առաջնային պատճառը, որը հանդիսացել է վերտիգոյի պատճառ։

Միևնույն ժամանակ, հիվանդության ախտորոշումը զգալիորեն դժվարացած է հիվանդների զգացողությունների սուբյեկտիվ բնույթի պատճառով: